REFORMA INTEGRAL DA ZONA DEPORTIVA DO PARQUE MUNICIPAL DO ESPIÑEIRO

O que se busca con esta actuación é acondicionar unha gran zona deportiva, no parque do Espiñeiro, en Portonovo e dar acollida a un maior número de usuarios que demandan este tipo de instalacións, favorecendo unha vida sana e saudable. Crearase así unha gran zona deportiva accesible ao aire libre, composta por tres pistas deportivas para a práctica de deportes de balón como o fútbol, baloncesto, etc. e un ximnasio ao aire libre composto por seis aparatos de ximnasia tipo workout. O principal obxectivo deste proxecto é ofrecer aos veciños da contorna un espazo para realizar deporte ao aire libre, fomentando unha alternativa de ocio que fomente hábitos de vida saudables e integre a cohesión interxeracional e integración social, xa que as instalacións están planificadas para persoas de todas as idades.

RECUPERACIÓN E DINAMIZACIÓN DO ESPAZO NATURAL DA CONTORNA DA LANZADA

Creación dunha zona de esparexemento para a recuperación deste espazo natural a carón da praia da Lanzada. Espazo protexido dentro do marco rede natura 2000. Instalación dunha zona de xogos para rapaces de 4-14 anos, recuperación da zona adicada actualmente como aparcadoiro mediante aporte de xabre cemento, colocación de valado perimetral que impida o acceso de tráfico rodado a zona de actuacións e creación dunha zona de esparexemento mediante a instalación de mobiliario tipo mesas e bancos.