Agader, a Axencia Galega de Desenvolvemento Rural, habilita unha nova páxina web con toda a información sobre a convocatoria de axudas LEADER 2021-2022
Para axudar con todos os trámites e resolver calquera dúbida, Agader creou unha sección renovada na web con varios recursos de interese.
Se tes unha idea e es empresario, ou prefires mellorar e innovar no teu negocio, ou quizais dende unha entidade pública ou privada (sen ánimo de lucro) queres iniciar un proxecto non produtivo, xa tes a nova convocatoria para as axudas Leader dispoñibles 2021-2022 ás que se destinan 13 millóns de euros.
Para axudarche con todos os trámites e resolver calquera dúbida, este Sitio Web ofrece unha sección renovada con varios recursos de interese.
Así, no menú superior da páxina, ao acceder á sección “liñas de axuda”, podes atopar unha pestana Nova convocatoria de Leader con toda a documentación necesaria: bases normativas das subvencións Leader, modificación das bases normativas e publicación da convocatoria de proxectos. .
Un Directorio do GDR, que contén un mapa coa distribución por concellos do GDR e unha listaxe de todos os GDR de Galicia cunha ligazón ás súas páxinas web correspondentes.
Unha guía de axuda onde atopar as respostas ás preguntas máis frecuentes.
Tamén podes poñerte en contacto co persoal do GDR ao que pertence o teu concello, onde recibirás toda a atención e información.
