Continúa aberto o prazo de solicitude das principais axudas da Xunta de apoio ao emprego autónomo e ao emprendemento. Son diversos os programas da Concellería de Promoción do Emprego e da Igualdade que suman un investimento próximo aos 30 millóns de euros.
Así, concretamente, ata o 29 de setembro poderán solicitarse apoios para promover o inicio da actividade por conta propia (12 millóns); as dirixidas a consolidar e mellorar a competitividade dos negocios de autónomos que leven polo menos 42 meses (8 millóns); axudas para a contratación ata o terceiro traballador (1,3 millóns); apoio ao fomento da conciliación (1 millón); e as centradas na promoción de empresas cualificadas como Iniciativas de Emprego de Base Tecnolóxica (IEBT), que contan cun orzamento de 500.000 euros.
En concreto para o emprendemento, ata a mesma data pódese optar a unhas axudas que con 7 millóns de euros están dirixidas a pemes, autónomos e entidades de economía social, que inician a súa actividade desde o 1 de xaneiro de 2021 (ou posterior) e seguen en activo, para cubrir investimentos en equipamento informático, eficiencia enerxética, reforma de locais ou mobiliario, entre outros, realizados dende o pasado 5 de novembro.
Para a Xunta, os autónomos e os emprendedores son un colectivo prioritario: Galicia é a primeira comunidade autónoma con maior peso deste colectivo cun 19,96% (no Estado representa o 16,07%). Na actualidade, o Executivo autonómico está a deseñar, da man da Mesa de Autoemprego, a Axenda de Fomento do Autoemprego 2023-2026, que contará cun orzamento de máis de 200 millóns de euros. A Administración galega mantén así un diálogo constante e fluído con este colectivo para atender as necesidades tanto dos que se inician como dos que precisan consolidar a súa actividade económica.
A Concellería de Promoción do Emprego e da Igualdade conta tamén cunha Rede de Apoio ao Emprendemento e ao Emprego, que ten como obxectivo dinamizar o territorio mediante a creación de emprego de calidade e o asentamento da poboación: hai Oito están en marcha e está previsto que estean en funcionamento quince. a finais de ano, cubrindo o 100% do territorio galego. Esta rede, en particular, está a ofrecer un asesoramento individualizado aos emprendedores de Galicia en calquera fase que estea o seu proxecto empresarial, de principio a fin.
