O mércores 28 de xuño o GDR SALNES ULLA UMIA celebrou a XORNADA DE PECHE DA ESTRATEXIA DE DESENVOLVEMENTO LOCAL PARTICIPATIVO (EDLP) cara o novo período LEADER 2023-2027, documento estratéxico co que se solicitan os novos fondos á Consellería de Medio Rural.
Nesta xuntanza acordáronse os obxectivos estratéxicos e as liñas de actuación, xunto co plan financeiro e normas de xestión para valorar as novas iniciativas que se presenten por parte de entidades locais, asociacións e empresas.
Neste eido a gran novidade, e a incorporación no baremos de axudas “Bono activa rural”, axuda destinada á creación e posta en marcha de actividades non agrícolas de ata 18.000 euros, coa obriga de manter a actividade durante polo menos cinco anos e dar cumprimento ao plan empresarial presentado, e sen necesidade de presentar xustificación de gastos posterior.
