Coincidindo co 20 aniversario do Premio Juana de Vega de Intervencións na Paisaxe 2024 estreamos a categoría “Edificacións e instalacións produtivas”.
O obxectivo é recoñecer a calidade e correcta integración paisaxística deste tipo de construcións vinculadas con procesos produtivos no medio rural. Nun contexto máis amplo, desde a Fundación Juana de Vega queremos darlles protagonismo como elementos que poden servir de referencia social para futuras intervencións.
A tipoloxía de proxectos admitidos abrangue desde granxas a fábricas, talleres, adegas, serradoiros, silos, ou instalacións produtivas de calquera sector económico asentado no medio rural, como naves ou plantas industriais, entre outras.
Dirixido a obras acabadas en Galicia nos últimos 8 anos (2015-2023).
Premio de 6.000€ e ata dous accésits de 1.500€ cada un.
Prazo aberto ata o 30 de xuño de 2024.
